اشعار ورود به-شام

افلاکه چخوب هَمهَمه ویرانه سراده
گوردی اسرا قانلی باشی دار بلاده
غملر تزلندی
تللر سپلندی
.
.
زینب او کسوک باشون اَوَل اورتوگین آچدی
آغلار گوزی رأسِ شهِ خوبانه ساتاشدی
ایوای دیدی قارداش بو نه صورت بو نه باشدی
بیر بیله یارون کی یوخیدی نوکِ جِداده
.
.
باخدی یارالی یارینه کام آلدی رقیه
زلفین آتانون صورتینه سالدی رقیه
باخ گوردیدی نه قاره گونه قالدی رقیه
گون گورمدی هیچ نازیله بو دارِ فناده
.
.
آلدی او کسوک باشی قوجاقه ایکی اَللی
گوردوم دیدی بابا سنی من اوز گوزی کُوللی
نازیله یاتان بسترون اولدی منه بَللی
بیلدوم نجه مهمانسان آتا قوم عِناده
.
.
خوشگلموسن عرض ایتدی او قیز میر حجازه
بلبل سیاقی نغمه ووروب

• پنج شنبه
• 18
• مهر
• 1398
• ساعت
• 12:05
• نوشته شده توسط
• ابوالفضل عابدی پور

بِئله اِئتمه ناله سکینه جان، بالام آغلاما، قیزیم آغلاما
سفره گئدوب گله جَک بابان، بالام آغلاما، قیزیم آغلاما

گؤریرم خرابه دی منزل ون، غم و رنج و دَرده بلالی سان
نه چراغی واردی نه فرشی وار، گونی قاره، باشی قارالی سان
قوری یِئرده یاتماقا اِینجیمه سن اَبُوتُراب عَیالی سان
بو قدر سیزیل داما مهربان بالام آغلاما، قیزیم آغلاما

سن علیّ اکبر عزیزی سن یئتر عزّت عَلوی سنه
یخیلوب ائوین، گئدوب عزّتین، یِئری وار اولام فَدوی سنه
بو خرابه شام ده گؤز تیکوب هامی عِترت نبوی سنه
باجیلار باخور هله بیر زمان، بالام آغلاما، قیزیم آغلاما

یُوزه سِیل اَشک وی باغلاما من اوُلوم فداسی بو گؤزیاشون
یاتا بولموسن منی داغلاما، دیزیم اوُسته دور گتی قوی باشون
بو قدر على دئیوب آغلاما گله جَک صباح على قارداشون
منی اِئتمه تیرِ غمه نشان، بالام آغلاما، قیزیم آغلاما

جگرین فراق اودونا یانوب، یِئری وار سِرشک تَرون داشا
دل زارین اود دوتوب اودلانوب، باخارام گؤزونده کی قان یاشا
تؤكولوبدی گؤزیاشون ایسلانوب، داخی من نه کُول سُووریم باشا
منه سِیل گاه اوُلوب آشیان، بالام آغلاما، قیزیم آغلاما

بُولوسن سکینه منیم سنه، نه قدردی مِیل و مُحبتیم
سنه غم یِئتنده اولور منیم بیره مین عَلاوه مُصیبتیم
بی بون اوُلسون آغلاما قالمیوب داخی غصه چکمِ گه طاقتیم
غم اَلین ده باغریم اوُلوبدی قان، بالام آغلاما، قیزیم آغلاما

بُو خَرابه اِیچره سن اوُل ماسان هانی همدمِ غمی زینبون
نه عَلاج اِئدیم همی اؤز گونین اِئدی سن قرا همی زینبون
سنی لَن تسلّی تاپار کُؤنُول ای اَنیس هم دَمی زینبون
نه قالوب دی سنده نه منده جان بالام آغلاما، قیزیم آغلاما

گؤرورم کی بیر دَگی مُحنتون نه دِئیم نه قابل پند سن
کسیلوب قراری له طاقتون، یانار اوُدلار اوُزرَ سِپند سن
غم الین ده یوخ دو فراقتون سرِ زُلفِ اَکبره بند سن
بو بلای عشق دی یان، دایان، بالام آغلاما، قیزیم آغلاما

سن او مُرغ بی پَر و بال سن كیم اوُز آشیانون اِئدوب قَفَس
سن او شَمعِ مَجلس حال سن کی یانار بو حالوه هم نَفَس
سن او غرقِ بحرِ مَلال سن، غمی غَرق اولور سنه دادرَس
نه عَلاج اِئدوم من ناتوان، بالام آغلاما، قیزیم آغلاما

بو قدر گناه یلن ای (رضا) دِی گؤروم اَلونده ندور سند
یول اوُزاق، اَلون بُوش، اؤزوین قرا، گئجه وقتی سن یولا نابَلد
سال أؤزون کَمندِ سکینه یه، سَنه بلکه زینب اوُلا مَدَد
گِئجه گون دوز اِئت بو سوزی روان بالام آغلاما، قیزیم آغلاما

• شنبه
• 20
• شهریور
• 1400
• ساعت
• 16:10
• نوشته شده توسط
• یوسف اکبری

واردشهردمشق اولدی قطارکربلا
مرکزشهره یغیشدی شامیان بی حیا
هرزه ملت ال چالوردی حافظان مذهبه
بوجسارت قتل وغارتدن چتین گلدی بلالی زینبه
.
بیرنفریوخدی دئسون بوکاروان هاردان گلور
های دوشوبدورخارجیلر،سینه ده افغان گلور
دست بسته،رأس صفده،ناطق قرآن گلور
اهلبیت مصطفانی باغلیوبلارقول قولا
دل یارا،سینه یارا،پیکریارا،لبلریارا
.
.
ایله اوضاعده گلوردی دختران پنج تن
گویده لاهوتان قالوب،انگشت حیرت بردهن
ال چالوردی عترت پیغمبره اهل فتن
کوی وبرزندن یغوبلار،پیروبرناداشلاری
سنگباران ائتدولر،سرنیزه لرده باشلاری
.
.
باوفاعورتلرائتدی ساچلارون یوزده نقاب
اولماسون نامحرمه گل یوزلری کشف حجاب
گوردی بیرصحنه خانم زینب،دئد

• چهارشنبه
• 17
• مهر
• 1398
• ساعت
• 14:32
• نوشته شده توسط
• ابوالفضل عابدی پور

ای کاش اولیدی ویران
بو چرخ کج مداری
شامه اولاندا داخل
آلِ عبا قطاری
.
.
اهل حرم سراسر عریان جمازه اوسته
باشلار آچوق تماماً قوللار طنابه بسته
اولموشدی ظلم الیله مغلول امام خسته
بی طاقت ایلمشدی زنجیر او باوقاری
.
.
امر ایلمشدی سلطان عیش ایلیه رعیت
اولموشدی شامون اهلی مشغول عیش و عشرت
ایولرده قالمامشدی نه بر کیشی نه عورت
دوتموشدیلار تماشا قصدیله رهگذاری
.
.
گیمشدی شامون اهلی یکسر لباس تازه
الده کیمی نی و دف چخمشدی پیشوازه
بیر پیشواز اولوندی رأس شه حجازه
بانگ نی و دف و کف دولدوردی روزگاری
.
.
دروازه دن اولاندا غم فوجی شامه داخل
بر نوعیلن نظامه سالمشدی قوم باطل
اولموشدی هر کسوک باش بر محمله مقابل

• پنج شنبه
• 18
• مهر
• 1398
• ساعت
• 12:13
• نوشته شده توسط
• ابوالفضل عابدی پور

چوخ آغلاما خرابده
گوزوم ضیاسی آی بالا
سرشگیله دولان گوزون
بیبون فداسی آی بالا
.
سولوبسان گل تک اولوبسان پرپر رقیه
ملال و غمدن سارالدی گوزلر رقیه
اوقدری ویران سراده فریاده گلدون
یانوب احوالونده آل حیدر رقیه
.
رقیه وفالی
حسینون مارالی
.
.
.
.
ادبلی مهربان بالا
سه ساله قهرمان بالا
کجاوه لرده شامه جک
نوالی نوحه خوان بالا
.
اولان همدم زینب نالانه رقیه
اولوب سینون ظلمیله غمخانه رقیه
یاناردون غم مجمرینده اشرار الینده
گله لعنت دشمن دورانه رقیه
.
رقیه وفالی
حسینون مارالی
.
.
.
.
.
.
اولوبدی نیلی صورتون
عزیز حی لامکان
دوشوب گوزه جفائیله
ستم الیله لخته قان
.
آنام کیمی وار یوزونده سیلی نشانی
آلورغمدیده بی

• جمعه
• 19
• مهر
• 1398
• ساعت
• 16:07
• نوشته شده توسط
• علیرضا گودرزی

عمه جان غم شاهدین آغوشه چکدیم جان کیمی
غنچه وقتیمده پوزولدوم بیر گل خندان کیمی
.
.
پر شکسته بلبلم من گلستانی نیلورم
بوردا قالسام خوشدی یانمیش آشیانی نیلورم
.
.
بُلمورم نه سرّی واردور بو خرابه منزله
گون بگون آرتور علاقم دیلده کی گلمز دله
بو قدر وار خوش گلور خلوتسرا اهل دله
گوئیا من بوردا قالام کربلایه گیتمرم
اولموشام مأنوس بو خلوتسرایه گیتمرم
.
.
اونداکی بیداد الیندن اولدوز آزاد عمه جان
گلدیقی یولاری طی ایتدی بو یورقون کاروان
کربلایه چون یتوشدوز نامه یاز ایله روان
بی خبر قویما منی اول قامتی شمشادیدن
اکبر آدلی قارداشیم مظلوم اولان ناشادیدن
.
.
بو آز عمریله هجوم ایتدی منه غم رنگ رنگ
ساقی محنت توک

• سه شنبه
• 23
• مهر
• 1398
• ساعت
• 14:28
• نوشته شده توسط
• ابوالفضل عابدی پور

شاماتی کاش اولیدی ویران
اهلینده یوخدی ذرّه وجدان
قلبیمی ایلیوبله القان
یانیرام من

غمدن بیزی اوساندیریللار
شمادتیله یاندیریللار
کوچه کوچه دولاندیریللار
یانیرام من

سحر بورا گَلندن چوخ اینجیدوبدی دشمن
بالالارون یورولدی سندن خجالتم من

ایوای یارالی قارداش/باشی بلالی قارداش/ائلدن آرالی قارداش

گوردون نجه شه مدینه
بیزی چکوبدی اهل کینه
حسین یهودی کوچه سینه
یانیرام من

موج ایدوری گوزومده قانیاش
سنله حسین ئولیدیم ایکاش
داش آتیللار گروه اوباش
یانیرام من

سنه توخونمیه کاش، داشلار یولونی اَگسین
سنه دگینجه قارداش ،قوی زینبیوه دَگسین

آهولرین دوشوب کَمنده
صاف یرلری یوخدور بدنده
رقیّه وه سیلی دَگنده
یانیرام من

حرم لرین یوخ دیلده تابی
ووروللار آل بو ترابی
دانیشدیرماق اولمور ربابی
یانیرام من

دیور اوغول بو غمدن آنان ئولیدی ایکاش
چاتمور الیم جدایه ، اشکیم اولوبدی قانیاش

• شنبه
• 23
• اسفند
• 1399
• ساعت
• 19:27
• نوشته شده توسط
• یوسف اکبری

شهر شامه یتیشوب صبح زمانی اُسرا
یولون اوستونده چیخوب طَعنه وِرانلار قاباقا

زینبون اَرتشی دروازه ی ساعتده دوروب
ئوز ستادینده امامیله بو شورانی قوروب
دئدی یولّار گورورَم خورداجا قزلاری یوروب

بو گون عَمّون زِره نُطق و بَلاغَت گیه جک
نَجفون شاهی علی عَمّووَه اَحسن دیه جک

چکرم نقشه ی اَهریمنه بیر نقش عَدم
یوخدی هرچند اباالفضلیم اَله آلسون عَلم
بیبوون قولّاری ساقدی هَله اولموبدی قَلم

نقطه ی حمله ده من جنگه مُهیّا چیخارام
پنجه ی آهیمیله قصر یزیدی یخارام

داخل شهره قدم قویدی خواتین گرام
اِزدحام ائتمیشیدی مَعبر اَرا مردم شام
اوردا امّا نه چکوبدور اوقولی باغلی امام

مَدخل شهریده گوز یاشلی بویوردی عَلَنی
اولمییدیم نَنَه دن کاش گورَم بو مِحنی

وردیلار نیزه لره چون شهدا باشلارینی
گوردی زینب گنه ده گورمَلی قارداشلارینی
نظره آلدی تماشاچی لَرون داشلارینی

مُتَّفق ایله میسوز سیز دئدی یولداشلاروزی
آتیسوز باری آتون زینبه بو داشلاروزی

غملری وئردی منه گرچه بوگون پای بولَنیم
هچ دئمزدیم بو قَدَر شامیده اولسون گولَنیم
واردی بو قافله ده قارداشی ، اوغلی ئولَنیم

رشته ی صبری نوامیس خدادن قیریسوز
یاره اوستن گنه دَه بیزلره یاره وریسوز

اَلغرض شهری گَزوب قولّاری باغلی اُسرا
چکدی قصرین یولونا قافله نی شمر دَغا
قصد ائدوبدور که اَزل رَاس حسینی آپارا

تَله سوردی ئوزونی بزم شیاطینه قاتا
ساتدیقی دینه گورَه دِرهم و دیناره چاتا

یاره لی باش دالسیجا گئدوری اهل حَرم
گنه ده غم غمون اوستن یازوری کاتبِ غم
بِله چرخی گوروم اولسون که گرفتار عَدم

گردش کَج روشی قلبلری قان ائله دی
فاطمه سوگُلی سین گور کیمه مهمان ائله دی

قصر خَضرا سالوری حیرته هر بیر گورنی
یِدّی تالار او یره واردی گزارش وِئرَنی
غُرفه لَر رنگی یاشیل ، کُنگره لر یاسَمنی

آسلانوب کُنگره لردن یره گُللَر بُداقی
سوسن و نسترنون پایه لر اولمیش دایاقی

آلتی تالاری او قصرین آچیلور بیر بیرینه
تا که مُشرف اولا تالاریلَرون آخرینه
باب سیمین آچیلور تخت یزیدون یرینه

دوره ده کرسی اِجلاسی دوزولمیش زَر و عاج
اوتوروب تَختیده هِند اوغلی باشیندا ساری تاج

طشت زر اَلده اولوب حاجِبِ مخصوصی عیان
احترامیله قویوبدور یره طَشتی او زمان
ئورتوگون رَد ائله دی گورسَنه خورشید جهان

ساغر می اَلینه آلدی زنازاده یزید
چوخ حقارتله باخوب طَشته او نامرد پَلید

دئدی شادم گنه ده عیشیمه فرصت گورورم
بوتراب اوغلونی چون غرق مَذَلّت گورورَم
پای تَختیمده اونی ایندی بو ساعت گورورَم

مجلسون عیشینی سیز حِدّ کَماله یتورون
اهل عیالین قولی باغلی بِله بَزمه گتورون

دوشدی حاجِبلره فرصت اَله قَمچی آلالار
آل یاسینی همان مجلس شُربه سالالار
تیتریوردی آنالار ، آغلاشور امّا بالالار

قمچیلَر زوزه سی زهرا ئورگین داغلادیلار
هر قَدمدَه بالا قزلار یخیلوب آغلادیلار

ای قالان دَربیلَه دیوار آراسیندا بَدنی
سوز یتیشدی بو یرَه گَل ائله مَاذون منی
وِئر اجازه قَلمیم ثبت ائله سون بو مِحنی

دعوت ایلوم سنی قوی ئوز قیزووُن روضه سینه
بالا وای نالووی قوش سنده بو جَمعین سَسینه

آلتی مینجی قاپونون حاجِبی بیر کافَریدی
بَدریدَن یاره لی هم کینه وَر خیبَریدی
دشمن بَدسِیَر احمد و هم حیدریدی

نچه ایل منتظریدی اَله مَنظوری گَله
انتظاری باشا چاتدی یتیشوب ماحَصله

اَلینه آلموشیدی غیضیلَه بیر چوب سِتم
اُسرا ایچره گوروب زینب عُلیانی او دَم
قسمتیم اولمادی افسوس دئدی جنگه گِئدَم

عیبی یوخدور عوضین منده بو یردَه چیخارام
بوتُرابون ائوینی ظلمیله ایندی یخارام

شَل اولان پنجه سی قالخوب آغاجا وئردی تکان
چوخ مناسبدی بو سوز اولسا اشاریله بیان
سنده قوش نالووِی زهرایه بو سوزده اوجادان

ظالمون ضَربتی باخ گور هدف ائتدی هارانی
مَحملون یاره سی اوستن گِنه وِردی یارانی

ائله بیل ناوُک خامه اوخ اولوب قلبی دَلَر
باش یارانلار بو سوزون جوهَرینی یاخشی بیلَر
یاره اوستن یارا نیلَر ، یارییا یاره گَلر

امر مشگلدی بو غم سَنجش و مِعیاره گَله
عَمّه وای سَسله دی سَجّاد آلوب عَمّامه اَله

زینبون دوره سینی آلدی بَنات عَلوی
آز قالور عَمّیه هر تک تکی اولسون فَدَوی
ناله دن لرزیه گلمیشدی او قصر اُمَوی

بیری ئوز دردین او دَم حیدر کراره دیور
بیری علقمده یاتان قولسوز علمداره دیور

بیری سَسلور عمو قالدوق نَه یامان گونلَره گَل
او مبارک نظری سال بو سِینان لشگره گِل
سنی امید بیلنلَر اُل آتوب مُعجره گُل

سو سوزون یوخ دانیشان رَسم حیا گوزلَمه گَل
بیزه خاطر دئمورَم ، رحم ائله بو عَمّه مَه گَل

شامه گَلسیدون اگر کامَه چاتاردوق هامومیز
اشک شوقی بِله گوز یاشه قاتاردوق هامومیز
سایه سینده قولوون بیردَه یاتاردوق هامومیز

ماه یثرب نظر ائت دورَه دَه اولدوزلارا گَل
یاور اول دشمن ائوینده بو آدامسیزلارا گَل

قمر هاشمی ای منبع ایمان و شرف
اولدی ایستکلی باجون شِش پَر آلامَه هدف
قوجالان عَمّه مَه باخ سال یولووِی شامه طرف

رشته ی عمرینی آز قالدی جفا تیری بولَه
گلمه سون قورخورام آخر بی بیم اَللَرده ئولَه

ای مبارک آدینا دیللَر اولان اَزبر حسین
(نادر) عشقیله گلوبدور قاپووا نوکر حسین
دَم آخرده بیلورسن که سنی گوزلَر حسین

ای سلیمان گتوروب پای مَلخ مورَه پای آت
اَوّلین لِیله ی قبرینده اونون دادینه چات

• شنبه
• 12
• تیر
• 1400
• ساعت
• 17:38
• نوشته شده توسط
• یوسف اکبری

ویرانیه غسّاله گلوب باب غم آلیشدی
بیر آه جگرسوز چکوب یاندی آلیشدی
.
گوزکاسه سی لبریزاولوب اشکیله داشدی
اوّل او قیزین باغلی قالان قولارین آشدی
.
باخدی گوورن صورتینه حالی پوزولدی
گوز قطره سی مرجان کیمی رخساره دوزولدی
.
آثار جفا لر گتوروب داد و فغانه
گفتاره گلوبدی دل شبده یانا یانه
.
ایوای منه باشدان باشا نیلیدی عذاری
یاندیردی بو غم ایتدی پریشان من زاری
.
کیم سیلی ویروب بو رخ زیباسینه یاندیم
یاندیم شرر محنته دلدن یارالاندیم
.
بو صورت زیبایه مگر سیلی ویراللار
قول باغلی اسیری بیله احواله سالالار
.
هر کیم بو قیزا سیلی ویروب اللری یانسون
یانسون اورگی ناله سی افلاکه دایانسون
.
گل تک سارالوب صورت گلنار

• چهارشنبه
• 10
• مهر
• 1398
• ساعت
• 14:47
• نوشته شده توسط
• ابوالفضل عابدی پور

سبک :میگذرد کاروان
.
.
کربلایی فخرالدین اسکندری
.
.
شامه گلوب کاروان عامل پیمان اولا
نیزه ده اون یدی باش ناشر قرآن اولا
آه و وا ایچره قرآنیان
هلهله ایلیور شامیان
.
.
.
.
وارد اولوب شامه چون قافله ی کربلا
دیلده نوا گوزده یاش عترت آل عبا
هلهله و آه و وا عرشه چیخوب برملا
بیربیره یر گوگ دگوب وار یری طوفان اولا
آه و وا ایچره قرآنیان
هلهله ایلیور شامیان
.
.
.
.
زینب غم دیده نون قانه دونوب گوزیاشی
نیزه ده قرآن اوخور قانلی دوداق قارداشی
جان سنه قربان حسین سسلنور هر سوز باشی
نیزه باشین کیم گوروب منبر سلطان اولا
آه و وا ایچره قرآنیان
هلهله ایلیور شامیان
.
.
.
.
گلشنیمیز صرصر ظلمیله قارداش سولوب
داش توخا

• پنج شنبه
• 18
• مهر
• 1398
• ساعت
• 12:35
• نوشته شده توسط
• ابوالفضل عابدی پور

چون راس شه دوران شام ایچره عیان اولدی
سرنیزه ده قرآنون آیاتی بیان اولدی
.
.
شام اهلی تماشایه چیخمیش دف و تاریله
قرآن اوخویور بیر باش الحان حجاریله
قالموش ولی حیرتده شام اهلی بو رازیله
ظهریدی موذن ده مشغول اذان اولدی
.
.
قرآن اوخیان وقته اول پیر خراباتی
تسخیر ایلیوب قرآن الحانی سماواتی
سرنیزه دکی باشلار درک ایلدی آیاتی
بو حالدا او باش افسوس داشلاره نشان اولدی
.
.
طغیان شرارتدن یئر تیره و تاریدی
کعبه گیینوب قاره گون ابره سواریدی
سرنیزه ده عاشقلر مست رخ یاریدی
منظومه ی شمساده بیردن نوسان اولدی
.
.
بوس ائتمگه اول باشی پروازه گلور داشلار
هر داشی هوا اوسته پیشواز ایلیور باشلار
باشدان یولونار ساچلار

• پنج شنبه
• 18
• مهر
• 1398
• ساعت
• 13:04
• نوشته شده توسط
• ابوالفضل عابدی پور

وارد شهر دمشق اولدی قطار کربلا
مرکز شهره یغیشدی شامیان بی حیا
هرزه ملّت ال چالوردی حافظانِ مذهبه
قتل و غارتدن چتین گلدی،بلالی زینبه

بیر نفر یوخدی دئسون بو ڪاروان هاردان گلور
های دوشوبدور خارجیلر،سینه ده افغان گلور
دست بسته،رأس صفده،ناطق قرآن گلور
اهلبیت مصطفانی باغلویوبلار قول قولا
دیل یارا،سینه یارا،پیکر یارا، لبلر یارا

ائیله اوضاعده گورودی دخترانِ پنج تن
گؤیده لاهوتان قالوب،انگشت حیرت بر دهن
ال چالوردی عترتِ پیغمبره اهل فتن
کوی و برزنده یغوبلار، پیر و برنا داشلاری
سنگباران ائتدولر سرنیزه لرده داشلاری

باوفا عورتلر ائتدی ساچلارون ئؤزده نقاب
اولماسین نامحرمه،گول یؤزلری کشف حجاب
گوردی بیر صحنه خانم زینب،دئدی اؤلدی رباب
وای ربابین حالینه،گوردی نه نوعی صحنه نی
نیزه یه ویرمیشدی سعد اوغلی،سرِ شش ماهه نی

گوردی بو احوالی زینب کاروانی ساخلادی
داش آتانلاردا اوتاندی،اصغره دیل داغلادی
مرد و زن،بی کس ربابین حالینه قان آغلادی
ئوز دوتوب حضّارِ شامه،قهرمانِ کربلا
او "مقرّم" شرح ائلیب،اوز مقتلینده،باصفا

چوخ خلاصه ایلیوب صحبت عزیز فاطمه
ئوز دوتوب حضّار شامه،شیر دل بی واهمه
ائلدوز بیعت جگرخوار اوغلونا،بولدوز کیمه؟؟
کیم وئروب رأی اول شرفسیز حاکمِ بیغیرته
تا قیامت مستحقدور لعن و سبّ و لعنته

سیز که قورخوزدان امیر ائتدوز سگِ خودکامه نی
ال ایاق آچدی،یازوب قتلِ حسینه نامه نی
روز روشن ایتدی غارت،منبر و عمّامه نی
فکر ایلیور فاتح اولوب،فخر ایلیوری اوباشینه
آنداولا زهرایه تختین من چُؤوررم باشینه

بیر بولوک عورت،اوشاقی، دیده گریان ایلدوز
آدیزی مسلم قویوب،تحریف قرآن ایلدوز
آت دوشونده سوره ی والفجری شان شان ایلدوز
سیز قویوبسوز قلب لیلایه،علینون داغینی
سیز حسینون نصف شب کسدوز چیچیک بارماغینی

سیز حسینون نصف شبده یاندروبسوز خیمه سین
سیندیروبسوز دست ظلمیله شرف آیینه سین
آشکار ایتدوز یزیدین،کینه ی دیرینه سین
ایلدیز اطفال طاهانی شقاوتلن اسیر
نظمه چکدی قطره سین،دریای ایذان "فقیر"

• دوشنبه
• 4
• اسفند
• 1399
• ساعت
• 22:12
• نوشته شده توسط
• یوسف اکبری

جمعیدور یارب ندن بئیله جماعت شامیده
سدّ اولوب دروازهء ساعت بو ساعت شامیده

اجتماع مردم شامه مگر علت ندور
گوئیا برپا اولوب شور قیامت شامیده

بیر طرفده شامیان بر پا ایدوب جشن و سرور
بیر طرفده گورسنور غملی حکایت شامیده

نوک نی ده بیر کسوک باشدور حجازی لحنیلن
ایلیور آیات قرانی تلاوت شامیده

دین اسلامی فراز نیزه ده تبلیغ ایدور
شامیان تبلیغینه ایلور عداوت شامیده

ذکری ذکر حقیدور، بولمم نه عنوانه اونا
داش آتور شام اهلی ایلور حتک حرمت شامیده

راس نی ده گوئیا گوندور چخوب چرخ اوستونه
کیم گورور انوارینی ایلور حسادت شامیده

نورینی سندن آلور بو نور مطلق، لا کلام
ایلیور اهل دلی یکسر هدایت شامیده

نقش اولوبدور عرشیوی گویا بو دم فرش اوستونه
گورماقا یوخدور ولی چشم بصیرت شامیده

شش جهتدن یکسر اطرافین آلوب اولدوزلاری
مه خسوف ایلوب ندن بولمم بو ظلمت شامیده

بیر خانم عورت گهی سسلور ایا ماه منیر
هاردا قالدون زینبه وقت حمایت شامیده

گاه سسلور ای گل زهرا سنه جانیم فدا
نیزه دن آچ گوزلرون ایله عنایت شامیده

گور نه احواله قالوبدور زینب نالانیوی
یوز ویرور هر لحظه ده مینلر مصیبت شامیده

ووردی بیر داش که عجوزه سجده گاهیندن سنون
اولدوره بو غم منی ایلر کفایت شامیده

سجده گاهیندن آخان قان ، باغریمی قان ایلدی
یادیمه عباسی دوشدی چکدیم حسرت شامیده

نطقیدن سالدی سنی ای پاره قلب رسول
نطقه گل ظلم آیه سین ایله قرائت شامیده

عمرده بیر بیله غم یوز ویرممیشدی زینبه
اوندان آرتوق یوز ویروبدور درد و محنت شامیده

بیر طرفده بیر نچه محملده اطفال آغلاشور
آغلادوقجا شامیان ایلور شماتت شامیده

ناقه عریانین اوستونده مریض عشقیوی
بسته زنجیر ایدوب قوم ضلالت شامیده

ظلمیله باشینده یاندی اوغلوون عمامه سی
قویمادی خاموش ایده قید اسارت شامیده

یاندی یاندوقجا، باخوب یاندوم، اونون احوالینه
قلبیمی یاندوردی ظلم بی نهایت شامیده

وار سنون قلبونده چوخ شوق زیارت ای ((عتیق))
بیر زمان بو سس دوشر ایلور زیارت شامیده

• یکشنبه
• 3
• مرداد
• 1400
• ساعت
• 11:38
• نوشته شده توسط
• یوسف اکبری

ورود به شام

غم قافله سی یتدی چو دروازۀ شامه
دوندی اسرانون گونی بیر لیل ظلامه

حکم اولدی منادیلر ائده جار او گونده
شام اهیلینی ائتسونله خبردار او گونده
زینت وئریله کوچه و بازاره او گونده
چخسونلا تماشادن اؤتؤر غرفه و بامه

شام اهلینه یوز وئردی او گون آیری بیر حالت
هر کوچه ده بر پا اولونوب مجلس عشرت
سازنده و بازنده ائدوب زیور و زینت
گیمیشدیله عشرتدن اؤتؤر قرمزی جامه

باغلانمشیدی بیر ایپه اولاد پیمبر
سر سلسله ده عابد دلخسته و مضطر
یوز وئردی او گون زینبه چوخ محنت و غملر
گوردی که سالوب شمر اولاری طرفه نظامه

یارا هانی شرح ائتمگه دروازۀ ساعت
تعطیل اولونوب قافله اوردا نچه ساعت
یوز وئردی نلر سید سجّاد

• شنبه
• 29
• مهر
• 1396
• ساعت
• 08:52
• نوشته شده توسط
• علی ببیرپور

دوتوب شام اهلینی حیرت
گلن دوردی گیدن دوردی
کسیلمیش باش ایدر صحبت
گلن دوردی گیدن دوردی
.
.
قاچاقاچ دوشدی شهر ایچره هامی حیران و سرگردان
گورنلر بیر بیره فورا قضایانی ایدر اعلان
گلون یاخشی تماشا وار جداده باش اوخور قرآن
تعجب گلدی کیفیت گلن دوردی گیدن دوردی
.
.
هامی مایل هامی مشتاق باخا اعجوبۀ دهره
تعجبلو تماشادن آپارا حصه و بهره
یغان بازار و دکانین قاچار دروازۀ شهره
گلوب بی حدّ جمعیت گلن دوردی گیدن دوردی
.
.
مگر یول وار بیری گلسون یولی ویرسون نشان گچسون
دیسون گلمه گلن صبر ائت سنق محمل دایان گچسون
دیدله یوخ باجی قارداش گرکدور یان به یان گچسون
هامومیز ایلیک رؤیت گلن دوردی گیدن دوردی
.
.
همان باش ید

• پنج شنبه
• 28
• شهریور
• 1398
• ساعت
• 12:37
• نوشته شده توسط
• ابوالفضل عابدی پور

زینب اوگونکه داخل بازارشامیدی
شامون اوگونکه صبحی اوناتیره شامیدی
.
نه شام صبحی شام غریبان کیمی سیاه
نه صبح شامی تیره چوقلب ظلامیدی
.
شامه گیرنده آل پیمبرنظامیلن
شامون شقی جماعتی چوخ بی نظامیدی
.
کسمشدی کوچه لرده تماشاچیلریولی
تقریره گلمیری که نجه ازدحامیدی
.
گیمیشدی مردوزن هامی فاخرلباسلر
چون پیشوازعترت فخرانامیدی
.
هرمحمیلین مقابلی بیرقانلی باشیدی
زینب برابرینده ده راس امامیدی
.
قرآن اوخوردی نیزه باشنداحسین باشی
ذکری همین کلام حق لاینامیدی
.
کیم سالدی نطقدن اوباشی بیرعجوزه
بولمم اوبیحیانجه بی ننگ ونامیدی
.
بیرداش گوتوردی ایتدی نشانه حسین باشین
دلده کلامی باخمادی الله کلامیدی
.
دوشموشدی بیرمنا

• یکشنبه
• 31
• شهریور
• 1398
• ساعت
• 14:08
• نوشته شده توسط
• ابوالفضل عابدی پور

کاروان غم که چاتدی شامه شام اولدی عیان
باخدی قارداش باشینا زینب اودم ایتدی بیان
.
شامه وارد اولورام دل دونوری قانه حسین
باجووی بو داش آتانلار گتورور جانه حسین
.
عشق زنجیرینه چکدی بیزی بو چرخ جفا
ایلدی خانه به دوش اولدی اسیر آل عبا
من هارا زین العبادیله بو شام اهلی هارا
شامه دوندی گونوزوم شام اولا ویرانه حسین
.
.
نه قدر چوللری بو خیل اسیران دولانوب
یولی بیراهه گلوب رنگ غمیله بویانوب
تاب ایدوب شمرین الینده بو روقین دایانوب
اُولمیوب وار نفسی اول دُر دُردانه حسین
.
.
زینب عاشقدی سنه باشوون آردونجا گلر
قیدعشقونده اسیر عشقینی جانانه بولر
شامیده باشین آغاردار نقدر غصه چکر
اولمیوب بیر بیله ظلم بیر جه

• چهارشنبه
• 10
• مهر
• 1398
• ساعت
• 14:05
• نوشته شده توسط
• ابوالفضل عابدی پور

زینبین همت وعملکردی
عمر لر زحمته برابردی
.
شامیده قهرمانلیق ایامی
طول تاریخیمیزده برتردی
.
شامه گتدی حسینین عشقینده
تانیدا خلقه مردو نامردی
.
کوفه نی فتح ائدیب فصاحتلن
شامه پیک حماسی گوندردی
.
دئیون هند اوغلونا گلور زینب
معجری الده قانلی خنجردی
.
کشوری لشگرین مسلح ائله
دئمه زینب بدون لشگردی
.
گلورم تختین اوسته قاره چکم
قدرتیدن بوحرف کمتردی
.
بوخبرشامیده دیله دوشدی
دئدیلر بس کی ساده باوردی
.
باغلانیب شهره اصلی دروازه
بوعمل ضعف هرستمگردی
.
یتیریبلر حوالی شامه
شامیان غافل دنی تردی
.
ایستیرم مطلبیم حماسی اولا
چونکی زینب حسین دیگردی
.
شامی گرخیبره ائدم تشبیه
بو خانم قهرمان خیبردی
.
نهرعلقم یولون مل

• پنج شنبه
• 18
• مهر
• 1398
• ساعت
• 12:24
• نوشته شده توسط
• ابوالفضل عابدی پور

سبک : بزم عزاده گیمیشم ...
.
یات گوشه ویرانه ده سوگلیم لایلای سوگلیم لایلای
ای فاطمی گلخانه ده بلبلوم لایلای بلبلوم لایلای
من گیتدیم سن قالدون
قلبیمه اود سالدون
.
.
.
.
ای عندلیب خوش نوا گل بوداقیمده
مین نازیله ناز ایلین ئوز قوجاقیمده
قالمیش یانقلی سوزلرون بو قولاقیمده
یات بی صدا بو لانه ده سوگلوم لای لای
سوگلوم لای لای
.
.
.
.
سن عمه وه بیر روحیدون خسته جانینده
بیر شمع تک سندون حسین دودمانینده
ترک ایلرم لابد سنی غم مکانینده
ای جان تن ویرانه ده سوگلوم لای لای
سوگلوم لای لای
.
.
.
.
هرگز رقیه گچمرم من بوبیر سوزدن
چوخ تئز دونرمیش گوئیا بیله یوز یوزدن
سالدون نه تیز شیرین دلیم عمه وی گوزدن
یاتدون

• سه شنبه
• 23
• مهر
• 1398
• ساعت
• 14:39
• نوشته شده توسط
• ابوالفضل عابدی پور

اولاندا شامه وارد آل حیدر
برهنه ناقه اوستونده مکدّر
حنا یاخمیشدیلار شام اهلی یکسر
گینمیشدی لباس ارغوانی

تماماً مرد و زن الده دف و ساز
او گون آل الّهی ائتمیشدی پیشواز
اوخوردی رقصیله هر بیر خوش آواز
گورنده مضطرب آل عبانی

صدای ساز و نی آواز کفدن
دوتولموشدی قولاقلار تار و دفدن
شماتت ایلینلر هر طرفدن
دیردی طعنه ایلن ناسزانی

یتوب از بس جفا بیمار امامه
دونوبدور گوندوزی شام ایچره شامه
آتوبلار اودلی نی یاندی عمامه
شرار ظلمیله اودلاندی جانی

امامون اللری باغلیدی محکم
آلشدی یاندی عمامه همان دم
او حالی ایله قلبونده مجسّم
بوقدری ظلمه گور بیر کس دایانی

رضا وئردی قضای کبریایه
تحمل ایلدی هر بیر بلایه
یتوب بیر یرده صبری انتهایه
کسیلدی طاقتی گئتدی توانی

عنان اختیاری گئتدى الدن
چکوب بیر آه آتشبار دلدن
بویوردی دوغمیدی کاش ازلدن
آنام تا گورمییدیم بو زمانی

اولوب مسکن عیال بوترابه
نچه آی شامده کنج خرابه
گئدوبلر عاقبت بزم شرابه
گوروبلر شامده هر بیر جفانی

• چهارشنبه
• 28
• آبان
• 1399
• ساعت
• 12:32
• نوشته شده توسط
• یوسف اکبری

آهنگ یارالار سینونده قارداش

دولانیبدی شام تاره بیزه شهر شام ابالفضل
بالالار قولوندا زنجیر دئیوری سلام ابالفضل
سن او شهسوار عشقین غم وغصه سین آلاردون
نظر ایله بو خرابه اولا شادکام ابالفضل

هاردا قالیبسان غملی دلاور الله اکبر
شامیده یوخدی زینبه یاور الله اکبر
قمچیدن اولدی نازلی رقیه آه وواویلا
درده دوشوبدی دختر حیدر الله اکبر

غم ودرده یوخدی چاره بیزه ایله بیر نظاره
بالامی قرا کفنله نجه یولیوم مزاره
دئمورم کفن گتیر یا بیزه خردا گوشواره
گل اوزون مزاره قوی تا اولا رام او ماه پاره

هاردا قالیبسان غملی......

نه چتیندی حسرت آلله نه اوزاقدی غملی یول لار
نه خزاندی سرولردن کسیلیب جهاندا خول لار
دئمورم هایاندا قالدون بیزه قمچیلر دینده
ولی کاش اولیدی الان بوخرابه ده او قول لار

هاردا قالیبسان غملی.......

• دوشنبه
• 8
• دی
• 1399
• ساعت
• 23:44
• نوشته شده توسط
• یوسف اکبری

تا یتیشدی شام شومه عترت آل عبا
گوییا بالمرّه یاددان چیخدی دشت کربلا

کربلایی که حسینون جسمین عریان قویدولار
اوت ویروب اخیامینه،دار و ندارین سویدولار

دوغریوبلار نینواده قاسیمیله اکبری
اوخلیوبلار اوچ پر اوخلان شیرخواره اصغری

کربلا که زینبون قان ایلدی گوز یاشینی
یان یانا قان ایچره گوردی اوغلونی قارداشینی

اول مکان کی ظهر عاشورا داغیلدی ائللری
تا ابد چیخماز یادیندان،نصف شب انگشتری

شامیده بیر حاله قالدی دوشدی هی تاب و تبه
قتل و غارتدن چتین گلدی او گونلر زینبه

چیخدولار شهره تماشایه اوگون اهل دمشق
باخ ایشه سالدی اشاقه باشلارون اطفال عشق

امّ کلثوم او گل زهرا،شرافت اولدوزی
بحر عصمت شیر یزدانین لیاقتدی قیزی

شمره بیر مطلب دئیوبدی دختر پاک امام
راضی اولساز نصف شبده بیز گلخ کینه مرام

گورمَسین آرتیخ شماتت بو شرف اولدوزلاری
دیل یاراسی کوفه ده،گوردی حسینون قیزلاری

قهقهه چکدی دئدی ای دختر ختمی مآب
ایستیرم بوندان علاوه داغلانا قلب رباب

ایستیرم شام اهلی گورسین قیزلارین گوزیاشینی
اصغرین نوک جداده تا اوجالدام باشینی

الغرض وارد اولوب شهر بلایه کاروان
جمع اولوبلار مرکز شهره یکایک شامیان

ویردولار بیر بیر جدایه باشلاری اهل عناد
غلّ و زنجیذیله اولده گلور زین العباد

باغلانوبدی قول قولا بیر خطّیده آل رسول
آخر صفده خانم زینب گلور زار و ملول

جمع اولوبدی کوی و برزنده تماماً مرد و زن
سوز آغیر یرده دایاندی،داده گل یابن الحسن

زینبون بیر ایش قوروب صبر و قرارین آلدولار
عترت پیغمبره دورت گوشه دن ال چالدولار

یغدیلار پیر و جوان دامانه‌یردن داشلاری
سنگباران ائتولر سرنیزه لرده داشلاری

جنگ بدرین انتقامین آل سفیان آلدولار
عترت پیغمبری درد و بلایه سالدولار

گوشه ی ویرانه نی گوزلوردی زینب اشکبار
عرض ایدوردی بارالهی زینبی بوردان قوتارخ

آندوئرم من سنی یارب حسینون قانینه
زینبون شامین یولوندا آهینه افغانینه

سن اوزون یار اول «فقیره» قویما قالسون منّته
اولما راضی دستگیر اولسون ایکی اوزلی اُمته

• پنج شنبه
• 30
• بهمن
• 1399
• ساعت
• 22:19
• نوشته شده توسط
• یوسف اکبری

عاشقم قرآنه من محكم دي عشقيم پايه سي
قانلي زلفومدور منيم بو عشقيمون پيرايه سي

زينبم قارداشيمون صاحب لواي عشقيم
پيرو خط امام جان فداي عشقيم
كشتي طوفان عشقون ناخداي عشقيم
غرق ائدنمز زينبي موج ائلسه درياي عشق
واردي باشيمده حسينيم تك منيم سوداي عشق

يدي قارداشيم ئولوبدي افتخاريمدي منيم
اسلحه م الله اكبر حق ياريمدور منيم
خاتم پيغمبران جد كباريمدور منيم
قويمارام قالسون يزيدي كاخ استبداديده
من اوني محكوم قيلام دادگاه داديده

بير زمان گوردوم حسينيم هي دونور صاقدان صولا
قارداشيم باشسيز يوزي اوسته دوشوبدور توپراقا
شمر ظالم دستماز آلدي نمازين قيلماقا
رو بقبله دوردي يانينده او قانلي خنجري
ايليوب تكرار قلبينده خداي اكبري

من حسين قانين خضاب ائتديم آغارميش زلفيمه
بير بئله همت جهاندا قسمت اولماز هر كيمه
دين و قرآن اوسته هركيم ئولسه اتمز واهمه
كاخ ظلمي محو ائدر بو چكديگيم آهيم منيم
قورخمارام طاغوتيدن شاهددي اللهيم منيم

زينبم زهرا شيم بيماريمون بيماريم
كاروان كربلانون كاروان سالاريم
هم نشينم ليلي زاره ربابون ياريم
ناقه لر آتدوقجا پا آواز ائدر بانك جرس
عشق حجاجي صداي زنگيدن ايلر هوس

خاك راه عشق گويا كيميادن قوزانور
آسمانه ير يوزيندن هي صدادور قوزانور
تيره شبده گوگلره نور خدادور قوزانور
فاطمه موساسي بو صحراني كوه طور ائدوب
ناقه اوستونده گزن بلبلري پرشور ائدوب

قافله حاصل گئچوب دروازه ساعاتيدن
اوج ائده نور خدا مردم چيخا ظلماتيدن
مردمي پرشور ائده پرشور تبليغاتيدن
گورديلر سر نيزه ده بير باش گوزل قرآن اوخور
آغ محاسيندن آخار توپراقه قرمز قان ، اوخور

ذكر ائدر لحن حجازيلن او باش كهف آيه سين
شامون اهلي بير كسوك باشدان آلور قرآن سسين
سنگ باران ائتدي دشمن فاطمه ريحانه سين
شامون اهلي شاد اولوب ال چالديلار كام آلديلار
نيزه باشينده كسيلميش باشي ديلدن سالديلار

قارداشيم ديلدن دوشوب محملده من گلديم دله
واي حسينيم واي دئديم آغلاشدي مندن قافله
سد راه اولدي گئدن دوردي باخوبلار محمله
يوخلاميشدي هوليلن دوردي رقيم آغلادي
واي بابا واي سويلدي قلب جهاني داغلادي

من دئديم : نازلي بالامسان بولموسن بلوا ندور
او دئدي : عمه بو ال چالماق بو واويلا ندور
ئولدي دعوا ائلينلر ايندي بو دعوا ندور
آغلاما آغلورسان عمه گوزلريندن ياش آخور
چك ئوزون بير گوشيه محملده دشمنلر باخور

من دئديم : عباسم آغلار غيرتي چوخدور اونون
او دئدي: من گورمديم ديلر قولي يوخدور اونون
من دئديم : باشدان اياقه پيكري اوخدور اونون
من دئديم : ايندي اباالفضليم آلار زينب سسين
او دئدي : عمه خجالتدي چاغيرما بيلمه سين

من دئديم : كه چاره يوخدور داش آتوللار قيزلارا
او دئدي : قول باغليسان عمه باشوندا وار يارا
من دئديم : سن زلفووي ناخن عشقيلن دارا
هر قدر ظلم ائتمگه مايلدي دشمن باشلاسون
ناقه اوسته خيرداجا قيزلاري قيزلار داشلاسون

من دئديم : بو شامون اهلي ظلميني آرتيرماسون
خورداجا قيزلاريمون نخل حياتين قيرماسون
قيزلاري قيزلار ويرور باري بويوك لر ويرماسون
بوندان آرتيق بو آتاسيز قيزلاري آغلاتماسون
ناقه اوستوندن يره گه ناقه اوسته آتماسون

من دئديم : نازلي رقيم سن مجاهدسن قيزيم
شامون اهليهر قدر ظلم ائتسه شاهدسن قيزيم
اهل تقواسان اوشاقسان خيردا زاهدسن قيزيم
غم يمه عمون سنه قربان اسير عشق سن
اي حسينيم دن نماينده ، سفير عشق سن

بو قدر من آغلامازديم آغلادور قيزلار مني
سسليوللر ناقه اوستونده آدامسيزلار مني
يانديروللار هر باخاندا آي سيز اولدوزلار مني
آي جدا باشينده يورقون يوللانور شرمنده دور
باخميور هيچ بير يانا فكر و خيالي سنده دور

شامه من امر اماميله جهاده گلميشم
راه عشقي سير ائدوب گاهي پياده گلميشم
گورمگه قارداشيمي طشت طلاده گلميشم
محو ائدوب عيش يزيدي كاخيني بر باد ائدم
سعي ائدم شام و سحر ويرانه ني آباد ائدم

• شنبه
• 11
• اردیبهشت
• 1400
• ساعت
• 20:48
• نوشته شده توسط
• یوسف اکبری

نجه قارداشسیز اولا خوار اولی دنیاده باجی
ائله قارداشه ده واجبدی چوخ اثناده باجی
نجه بلبل گُله باخدیقجا گلر آوازه
قارداشوندا سؤزینه حظّ ائلیور ساده باجی
دانیشان وقتیده قارداش اونون هر کلمه سینه
جان دیر لحن گهر بارینه دلداده باجی
هر کس ایستکلی لرین وصف ائده تئز شوره گلر
قارداشین گُل بیترر گلشن ایجاده باجی
فطرتاً سویگلی بی مثل بیلر سویگلی سین
یوسف عصر گورر قارداشی سیماده باجی
هر زمان سالسا نظر مهریله گُل صورتینه
اوخشادار قارداشینی حور و پریزاده باجی
چکسه قارداشلار اگر دست نوازش باشینا
فکر ائدر سیره چیخوب سایه ی طوباده باجی
اشجع ناس بیلر هر باجی ئوز قارداشینی
چاغورار دادینه بو علّته دعواده باجی
حفظ ائدر قارداشین آدی باجینون عزّتینی
دولانار جرئتیله معبر و مأواده باجی
قارداش ایلر باجیا سینه یامان گونده سپر
یر وئرر قارداشینا دیده ی بیناده باجی
خوش گونونده خوش اولار غم گونی دیلدن پوزولار
سایه سینده دولانار قارداشین آزاده باجی
فلکون قهری آیرسا باجینی قارداشدان
آرزو ایلر اقلاً گوره رؤیاده باجی
چرخ دوّاردن اوز وئرسه بلا قارداشینا
چالیشار تئز چاتا اوّل نفر امداده باجی
وئرسه لر مژده ی دیدار برادر باجیا
نقد جان بذل ائده حاضردی بو سوداده باجی
قدم آتدوقجا دیر گئت باجی قربان بویوا
اوخشادار سرو قدین شاخه ی شمشاده باجی
راضی اولماز قونا گیسوی گل افشانینه توز
شکر ائدر باخدیقجا حُسن خداداده باجی
باجی دوزمز باتا قارداشین ایاقینه تیکان
دوشه هر محنته قارداشی گلر داده باجی
مشکلاتینده فقط نیّتی قارداشی اولار
وئرمز امّید الینی همسر و اولاده باجی
باجی قارداش ائوین امّید ائوی سویلر اوزینه
سیخیلار قارداشا بو رسمدی افتاده باجی
بیر کیچیک تحفه وئره قارداشی فخر ایلر اونا
دیر آللّه اوزون آغ ایلیه عقباده باجی
بنزیور قارداش او انگشتره پر قیمت اولا
اوزوگون زینتی قاشدی بو معمّاده باجی
نئچه حسّاس زماندی وئرر اوز قارداشه
خوش اولار قارداشا اوردا اولا آماده باجی
بیری قارداشون او حسّاس گونیندن طویدی
کام آلار هر باخشیندا قد داماده باجی
پیکریم قبره گئده دوش برادرده دیر
آبرودی منه حتّی دل غبراده باجی
یوخدی قارداش باجینون حُبینه مقیاس صریح
گوی سبقت آپاریب لیک بو معناده باجی
علم توصیفده قارداش باجیا چوخ سوز وار
نکته باریکدی چوخ یازما مطالب اوزانا
چوخ گلیب عالمه قارداش باجی ای شیعه ولی
نه گلر زینبه همتا نه حسینون مَثَلی
بو محبّت بو صداقتده نه قارداش نه باجی
گتیره باره محال امردی خلقت آغاجی
کیم ارادت تاپا قلباً بو باجی قارداشه
منتظر اولسون اونی قبرده خوش پاداشه
قرب حقده او قدر وار بولارین منزلتی
نه تقاضا ائده لر حاکم اولار مصلحتی
گر حسین شیعه لرین ایلسه بیر دفعه دعا
دیه آمین اونا زینب الی باشدان اوجالا
دوزخه اشک عزاداری سَپور، رب جلی
اونا قویماز یانا بیر عاشق اولاد علی
وار یقینیم هامی زوّار و عزادارلرین
ائده جک عفو خدا حشرده خونبارلرین
سندیم وار دئمدیم من بو سوزی بیهوده
قولاق آس مرحمت ذات حق معبوده
اَو تَباکا وجبه الجنّه امام صادق
بویوروب جدّی حسینه کیم اولا دوز عاشق
سنده ویر چنگ توسّل بو باجی قارداشه
آغلا عاشقلرنن هفته ده وئر باش باشه
یاده سال زینبی شامه گتیرن قافله دن
حرمتین حفظ ائله مزد آل بو سخی عاقله دن
اُسرا قرخا یوخون عورت اوشاقیدی مَلَر
هاردا گورموشدیله وحشیّت دونانی مگر
هاموسی اهل عفافیدی حیا آینه سی
فاطمه قیزلاریدی سیّد بطحا نوه سی
بیر ایپه باغلیدیلار واهمه دن اشک بصر
بابا وای دیلده هامی شدّتلن گوزدن اَلَر
کربلادن قولی باغلی یتشوبلر شامه
واردی هر تک تکینون دیلده بویوک غمنامه
بیر کیشی اولمادی اوردا سوروشا اعدادن
بو اوشاقلار نیه ایذایه دوشوب دعوادن

کسیلن باشلاری کیم گوردی جدا باشینده
دردین ابراز ائلین وار ولی گوز یاشینده
نه حمایت ائلین اولدی او یالقوزلاردان
نه هوادار اولان اولدی او خانم قیزلاردان
نوک سر نیزه ده مجنون اوتوروب لب بسته
لیلی محملده اورک قاندی اوزی دلخسته
شامون عورتلری گیموشدیلر الوان جامه
فاطمه قزلاری قوشلار کیمی دوشموش دامه
یتیرور هر دم اشاریله باخون عمّه لری
بالالاریم بو قرانلوق گئجه نون وار سحری
صَدَقه گتدی بیر عورت وئره اهل حرمه
بیز قوناقوک دئدیلر سفره ی ذات کرمه
گئت سفارش ایله بو شادلیق ائدن نسوانه
گله جکسوز الی بوش محکمه ی دیوانه
ناز پروردی بو طفلان هاموسی سبط رسول
دوولوبلر او قدر خسته دیلر جمله ملول
رهبروز تشنه شهید ایلدی زهرا بالاسین
عدنده آچدی حسین وای دئدی زهرا یاخاسین
کربلادن بورا قول باغلی گلیب انصاریم
پوزولوب گلشن دین قانه باتیب احراریم
کوفه نی ترک ایلینده اورگیم شاد اولدی
دئدیم آللّه بالالار غصّه دن آزاد اولدی
چکمشوک بیز نقدر کوفه ده دیل آزاری
شامون اورداندا چتین اولدی ولی بازاری
بو نه بازاردی بازاریدن اولدوم بیزار
چیخا حاشا اورگیمدن بو گونون آزاری
اهل بازارده هئچ چشم بصیرت یوخوموش
بیرینون اولمادی تشخیصی گوره اخیاری
شام بازارینه داخل ائلین وقته عدو
ظلمیلن ناقه لر اوسته حرم اطهاری
خلق چیخموشدی تماشایه ولی غرق سرور
اللرینده دف و تنبور قبیح اطواری
ملکوت اهلی باخیب حالیمیزه آغلاردی
شیعه لر گزلین ائدردی یوزه اشکین جاری
سَهل بن سعد دیور شامه یتشدیم او زمان
ناگهان شهرده گوردوم هیجان آثاری
چوخلاری جامه ی رنگین گینوب روح افزا
وار حنا اللرینون چهره لری گلناری
من بئله فکر ائلدیم عیدیدی من بی خبرم
تئز سوروشدیم سبب شادی محنت باری
بیر نفر سویلدی شام اهلی دگولسن لابد
چوخ غریبانه سوروشدون گورونن اخباری
سولدیم یوخ من اوزوم عاشق آل اللّهم
اولموشام ختم نبینون نئچه یول زوّاری
دئدی یا شیخ گرک قان یاغا طوفان گورونه
یر آچیب آغزین اوتا بو فرق زُنّاری
فاطمه قزلاری قول باغلی گلور شاماته
دوغرانیب اکبر و عبّاس حسین سرداری
دوه لر اوسته خانملاردی حسینون حرمی
اُسرا آدینه زینب اولارین سالاری
شهدا باشلاری سر نیزه باشیندا یارالی
هدیه عنوانی یزیده گتیرور اشراری
شهری عشرتکدیه دوندریب آل اموی
اورگی قاندی امامون بالاجا قزلاری
دئدیم هارداندی مسیر اُسرا بدو ورود
دئدی دروازه ی ساعتدن اولوب اجباری
بی تأمل اوزومی فوری یتیردیم او یره
گوردوم آللّه آقامون نیزه ده قان رخساری
وای دئدیم سبط نبی گور نجه احواله قالیب
جان دئدیم اشکیمی جاری ائلدیم تکراری
تئز یتیردیم اوزومی عترت آل اللّهه
بیر خانیمدان سوروشوب آدینی اولدیم یاری
من حسینون قزیام سویلدی سن کیمنن سن
من دئدیم جدّوزه امّت بابوون ابراری
امرون اولسا بویور ای دختر شاه شهدا
خدمتوزده وارام ای دلبرمون دلداری
دئدی سعی ایله حسینون باشینی حمل ائدنه
خواهش ایله آپارا بیزدن اوزاق تر باری
قزلارون بعضی سی وار باشلاری بی معجردی
یوزلرین گورمیه بو معرکه نون نظّاری
باخماسونلار بیزه نامحرم اراذل کیشی لر
گوزلرین کور ائلیه دشت و بیابان خاری
عمّه مون روحی معذّبدی پریشان حالی
یاز "صفا" نطقوی گویا اولا شعرون عالی

• دوشنبه
• 4
• مرداد
• 1400
• ساعت
• 21:26
• نوشته شده توسط
• یوسف اکبری

شامه گلیب چاتدی تاقافله کربلا
ناقه ده اهل حرم دردوغمه مبتلا
زینبین قان اولوب گوزیاشی
جان ویریب تشنه لب قارداشی
ایوای حسین ایوای حسین ایوای حسین

کوفه لیلریازدیلارکوفیه گل یاحسین
ترک الدی یثرب ومکه نی مولاحسین
قالدی ولی عاقبت بی کس وتنهاحسین
کسدیله باشین سوسوزظلمیله اهل جفا
اول شهی گورهاراچکدیلر
خیمه گاهین اوتاچکدیلر

جسمینه قوم ستم ویردیلابیحدیارا
عالم معناگلیب نالیه خیرالنسا
آچدی باشین آغلادی جدی رسول خدا
وای بالاوای سسلدی اوزآتاسی مرتضی
عرش وفرشه چکیدی قرا
شیعه لریرده یرده دوتدی عزا

نهضت پاک حسین دهریده پاینده دی
جلوه نوررخی گون کیمی تابنده دی
ئولمیوب ئولمزحسین واردی جهان. زنده دی
الله حسینی ایدیب شافع روزجزا
ایمدی ظلمه باش مرحبا
شامی فتح ایتدی زین العبا

گورنجه طغیان ایدیب دهریده شامین شاهی
کرب بلادشتینه توکدوله ثارالهی
ایتدی خرابه نشین گورنجه آللهی
هاردابیله ظلم اولوب بیرنفره ای خدا
عترت فاطمه خسته دی
قولاری طنابه بسته دی

زینب اوویرانه ده الرینه آغلادی
حضرت لیلاسوسوزاکبرینه آغلادی
باشلادی نوحه رباب اصغرینه آغلادی
گل دیدی صودام بیرآزمنتظرم جان بالا
سینمه صوددولوب هارداسان
وردیم ایوای اولوب هارداسان

سینمه گلسن سنی آی بالاخوش ساخلارام
وای بالاوای سسلیوب هی سینمی داغلارام
اوخلوبوغازین اوپوب یاره سینی باغلارام
بیرده الون باغلیوب یولامارام میدانا
سن منی گوزدن آتدین بالا
قانیوه تشنه باتدین بالا

• دوشنبه
• 18
• مرداد
• 1400
• ساعت
• 11:19
• نوشته شده توسط
• یوسف اکبری

علی ویرانه منزلده مکان بیر روزگار ایتدوم
قرا بختیم کیمی شام خرابی تیره تار ایتدوم
گیجه گوندوز فراقونده اورکلرداغدار ایتدوم
مداد کپریگیم خون دلیمدن آبدار ایتدوم
جمالون نقشنی لوح جماله زرنگارایتدوم

عروق جانیلن گوردوم دولوبدور الفتون قارداش
گیجه گوندوز خیالیمده دولانور صحبتون قارداش
اگر یوخدور مقابلده او سرو قامتون قارداش
گوزوم یاشیله نقش ایتدوم یوزومده صورتون قارداش
مطاف عشقمی خلق جهانه آشکار ایتدوم

ایدم ویران دل ملکین الیمده واردوبس قدرت
ولكن ایتمرم ویران اولونجه وار اونا علت
اورک طاق عدالت دور خیالون نقش پر قیمت
عدالت طاقنه عکس شه عادل ویرور زینت
اودور عکس رخون طاق دلیمده پایدار ایتدوم

جهاندا دوشمسون هیچکس برادر من دوشن درده
یانور قلبیم آخور اشگیم دمادم عارض زرده
سنیله ایلرم صحبت آرادا یوخدو بیر پرده
مجسم ایتمشم سرو قدون قارداش برابرده
او زیبا مقدمه در سرشگیمدن نثار ایتدوم

گوزوم یاشیله بیر نامه باجیم صغرایه گوندردیم
کتاب درد هجرانی ورق ایتدوم یره سردیم
بلا گوردوم بلا اوستن یوزوم هر یانه دوندردیم
یوزومدن دانه خالون خیالین قلبیمه دردیم
بو گویلوم مرغنون آب و غذا سین احتکار ایتدوم

منیم بیگانه لر هرگز چکلمزدی پناهیمدن
واریدی شاهلارون چشم امیدی پیشگاهیمدن
هانی قارداش علی اکبر اثر شاهانه جاهیمدن
مذمت یوخ اگر یانسام شرار شمع آهیمدن
اوزوم بو آتشی دور جهاندا اختیار ایتدوم

خرابه منزلیم قارداش انیسیم آه و نالم دور
اورک قانیله گوز یاشیم قارشمش یوزده با همدور
اوزومده بیلمورم والله بو عالم هانسی عالم دور
سر زلفونده گوردوم من مقام عشقی محکم دور
ایناندوم که زوال اولماز اوزلفه اعتبار ایتدوم

باجینون چشم امیدی اولوردایم برادر دن
عزیز قارداش نظر کسمز مصیبت دیده خواهر دن
همین امیدیله قارداش علاقه کسدیم ایللردن
کمند عشقوه گلدیم الیملن باغلادیم گردن
پناهونده علی اکبر قالام من افتخار ایتدوم

چخاندا شهر یثربدن گونوم گوندن قرا گلدی
قباقه حین سیریمده قضای کربلا گلدی
خیال صیدیله چخدیم کناره بو صدا گلدی
که ای صیادسن گتمه سنی ویردوم شکار ایتدوم

گورنده نیزده زلفون بو زلف پر نمی آچدیم
علامت لشگر اندوهه ماتم پرچمی آچدیم
أو گون افسون آهیمله طلسم ماتمی آچدیم
آتاندا تیر مژگانون ال آتدیم سینمی آچدیم
همان پیکان مژگانی اورکده بر قرار ایتدوم

توکنمز محنت شامی یازوب شرح بیان ویردوم
نچه أحباب همدرده بو اشعاری نشان ویردوم
محبت مکتبین گوردوم نجه گور امتحان ویردوم
مفصل مطلبی (صدری) کتاب اختصار ایتدوم

• چهارشنبه
• 3
• شهریور
• 1400
• ساعت
• 19:22
• نوشته شده توسط
• یوسف اکبری

ای کاش اولیدی ویران بو چرخ کجمداری
شامه اولاندا داخل آل عبا قطاری

اهل حرم سراسر عریان جمازه اوسته
باشلار ..... تماماً قوللاری طنابه بسته
اولموشدی ظلم الیله مغلول امام خسته
بیطاقت ایلمشدی زنجیر او باوقاری

امر ایلمشدی سلطان عیش ایلیه رعیت
اولموشدی شامون اهلی مشغول عیش وعشرت
ایولرده قالمامشدی نه بر کیشی نه عورت
دوتموشدیلار تماشا قصدیله رهگذاری

گیمشدی شامون اهلی یکسر لباس تازه
الده کیمی نی و دف چخمشدی پیشوازه
بر پیشواز اولوندی رأس شه حجازه
بانگ نی و دف و کف دولدوردی رهگذاری

دروازه دن اولاندا غم فوجی شامه داخل
بر نوعیلن نظامه سالمشدی قوم باطل
اولموشدی هر کسوک باش بر محمله مقابل
چخمشدی اهلبیتون افلاکه آه و زاری

اکبر باشین گورن دم لیلا مقابلنده
بر تازه شور و شیون باشلاردی محملنده
اولماز او حاله مطلق طاقت آنا دلنده
گیتمشدی اول غریبون هم صبر هم قراری

گیتمشدی ناقه اوسته زینب ایله تواندان
قالموردی بر او قدری کسسون علاقه جاندان
ناگه آلوب حسینون قرآن سسین سناندان
آئینه دلندن سیلدی او سس غباری

دوتدی یوزین جدایه اول بانوی مودب
ایتدی بو دللریله قارداشنی مخاطب
گور بر دوشوب نه حاله قارداش بلانی زینب
غمدن گلوبدی تنگه یوخ کیمه غمگساری

بر غرفه دن تماشا ایلوردی بر لعینه
قرآن اوخوردی گوردی راس شه مدینه جوهر الاشعار
شرم ایتمدی خدادن بر داش آلوب الینه
ایتدی نشان جداده اول راس زخمداری

دگمشدی اول مقدس باشه اون ایکی یاره
آسان سانوب عجوزه آتدی داشی دوباره
داش گلدی دگدی فرق سلطان تاجداره
قرآن سسی کسلدی القانی اولدی جاری

ایلردی هر گذرده بیله ندا منادی
بو دستگیر اولانلار اولاد مرتضادی
هر کیمسه نون دلنده وار مرتضا عنادی
هر نوعیله اذیت ایتسه وار اختیاری

تاپدی شقی جماعت جرات همین خبردن
ظلم ایتدیلر او قدری گیچمزدی هیچ نظردن
گه کُل توکوب گهی اود شام اهلی باملردن
چکدی بنات زهرا بو درد بیشماری

بیمار امامون از بس گیتدی قراری الدن
اودلاندی بو کلامی فرمایش ایتدی دلدن
ایکاش گلمییدیم دنیایه من ازلدن
تا اینکه گورمییدیم بو ظلم ناگواری

تحصیل آدمیت ایله ((شهاب)) اول آدم
مطلق اولور ملکدن آدم اولان مقدم
گر ایسته سن یازاندا روح القدس ویره دم
پاک ایله سوز محلین درک ایت بو اعتباری

• جمعه
• 5
• شهریور
• 1400
• ساعت
• 11:46
• نوشته شده توسط
• یوسف اکبری

ورود به شام

قرا گونه او زمان قالدی زینب علیا
قریب شامه یتیشدی قطار آل عبا

نجه یتیشدیله سوز چوخدی شرحی مشکلدی
دیوم عریضه ویریم گر چه عُمده نسگیلدی

حسین باشی گونه بنذر دالیندا اولدوز وار
گلن او باش دالیسیجا نچه اوغولسوز وار

علی قیزی اوتوروبدور شکسته محملده
تیکوبدی گوز اونا بیر عدّه خرداجا قز وار

اوزاق سفر ایلیوبلر چکوبله درد فراق
سولوبدی رنگلری یوزلرین دوتوب تپراق

او خورداجا بالالار شمر دون طلسمینده
باخان دییَر بولارون روحی یوخدی جسمنده

ز بس که شمر ستمگر قویوبدی ظلمه اساس
اوجا سسی ائشیدن وقته ایلیوللر هراس

رقیّه نی خبر آلما نه حالدا رنگی قاچوب
گورنده شمر اونی هر یرده تازیانه آچوب

دینمور

• شنبه
• 29
• مهر
• 1396
• ساعت
• 08:56
• نوشته شده توسط
• علی ببیرپور

حجاز قافله سی صبح وقتی شامه یتیشدی
خرابیه یتیشینجه چوخ دولاندی شامه یتیشدی
.
پیمبر عترتی دلخسته گزدی شام خرابی
یزید عیالی سالوب پرده احترامه یتیشدی
.
گرکدی شیعه اولان تلخکام اولا هر دم
حسین ئولوبدی ولاکن یزید کامه یتیشدی
.
حسین عیالی هامی دست بسته شامه گلنده
غم و فرح اثری جمله خاص و عامه یتیشدی
.
یزید مجلسینه ایلدی نظر دیدی زینب
حسین دولاندی باشین تا صف سلامه یتیشدی
.
او مجلسه شهدا باشلارین گتوردوله یکسر
امان او وقتیده نوبت اسیر امامه یتیشدی
.
مقام ایدوبدی حسین باشی بزم یزیدی
گوگلره زینت اولان باش ایله مقامه یتیشدی
.
یزید الینده آقاج لبلره ایدنده اشاره
سکینه ناله سی افلاک نیل فامه یتیشدی
.
باخ

• چهارشنبه
• 27
• شهریور
• 1398
• ساعت
• 10:25
• نوشته شده توسط
• علیرضا گودرزی

زینب گلنده شامه گونی شام تاراولوب
مین درد و محنته او حمیده دچاراولوب
.
طی ایلیوب منازلی چوخ غملی حالیلن
نه دیزده طاقتی نه اورکده قرار اولوب
.
دلخوشلیقی فقط یارالی باشدی نیزه
شامه گیرن زماندا اوباش سنگسار اولوب
.
حیدرقیزی گورنده بیله هتک حرمتی
قان جوشدی رگلرینده چوشیرشکاراولوب
.
یوزدوتدی شامون اهلینه سسلندی وای سیزه
داش ویرمیون عزیزیمه قلبیم فکار اولوب
.
نیزه باشیندا یاره لی باش جاندی حیدره
حق اوسته کربلاده گوزل جان نثار اولوب
.
ختم پیمبرین سینه سین چوخ مکان ایدوب
ظلمیله گرچه نیزیه الان سوار اولوب
.
شرم ایلیون رسول خدادن داش آتمیون
بوظلمه باغریقان هامی خردوکباراولوب
.
مهمانی میزبان نجه گور پیشو

• چهارشنبه
• 17
• مهر
• 1398
• ساعت
• 14:31
• نوشته شده توسط
• ابوالفضل عابدی پور